നെപ്പോളിയൻ

— മിറൊസ്ലാവ് ഹൊളൂബ് (1923-1998)

കുട്ടികളെ, ടീച്ചർ ചോദിക്കുന്നു,
എന്നാണ് നെപ്പോളിയൻ ബോണപ്പാർട്ട്
ജനിച്ചത്?

കുട്ടികൾ പറയുന്നു:
    'ഒരായിരം വർഷങ്ങൾക്ക് മുമ്പ്'
    'ഒരു നൂറ് വർഷങ്ങൾക്ക് മുമ്പ്'
    'കഴിഞ്ഞ വർഷം'
        ആർക്കുമതറിയില്ല.

കുട്ടികളെ, ടീച്ചർ ചോദിക്കുന്നു,
നെപ്പോളിയൻ ബോണപ്പാർട്ട്
എന്താണ് ചെയ്തത്?

കുട്ടികൾ പറയുന്നു:
    'യുദ്ധം ജയിച്ചു'
    'യുദ്ധത്തിൽ തോറ്റു'
        ആർക്കുമതറിയില്ല.

ഫ്രാന്റിസെക് പറയുന്നു:
    നമ്മുടെ ഇറച്ചിക്കടക്കാരന്
    നെപ്പോളിയൻ എന്നൊരു നായ ഉണ്ടായിരുന്നു.
    അയാളതിനെ എപ്പോഴും തല്ലുമായിരുന്നു
    ഒരു വർഷം മുമ്പ് പട്ടിണി കിടന്ന്
    ആ നായ ചത്തുപോയി.

നെപ്പോളിയന്റെ കാര്യമോർത്ത്
ഇപ്പോൾ കുട്ടികളെല്ലാം സങ്കടപ്പെടുന്നു.

മിറൊസ്ലാവ് ഹൊളൂബിൻ്റെ കവിതകൾ