അതെ, ഞാനൊരു കവിയാണ്.
എങ്ങനെയറിയാം?
ഞാൻ കവിതകൾ എഴുതിയിട്ടുണ്ട്.
നിങ്ങൾ കവിത എഴുതിയിട്ടുണ്ടെങ്കിൽ അതിനർത്ഥം
നിങ്ങൾ ഒരു കവിയായിരുന്നു എന്നാണ്, പക്ഷേ ഇപ്പോഴോ?
ഒരു ദിവസം ഞാൻ വീണ്ടും കവിതയെഴുതും.
അങ്ങനെയായാൽത്തന്നെ, ആ ദിവസം നിങ്ങൾ
വീണ്ടുമൊരു കവിയായേക്കാം, പക്ഷേ
എങ്ങനെ നിങ്ങളറിയും അതൊരു കവിതയാണെന്ന്?
ഒടുവിൽ എഴുതിയ കവിത പോലിരിക്കും അതും.
അങ്ങനെയെങ്കിൽ തീർച്ചയായും അതൊരു കവിതയായിരിക്കില്ല.
ഒരിക്കൽ മാത്രം സംഭവിക്കുന്നതാണ് കവിത, അതിനു
രണ്ടാമതൊരിക്കൽ അതേമട്ടിലാകുവാനാകില്ല.
അത് അതുപോലെ നന്നാകുമെന്ന് ഞാൻ വിശ്വസിക്കുന്നു.
എങ്ങനെ നിങ്ങൾക്കത് ഉറപ്പിക്കാനാകും?
ഒരു കവിതയുടെ മേന്മ ഒരിക്കലേയുള്ളൂ അതും
നിങ്ങളെയല്ല, സാഹചര്യങ്ങളെ ആശ്രയിച്ചിരിക്കുന്നു.
സാഹചര്യങ്ങളും മുമ്പത്തെപ്പോലെ തന്നെയായിരിക്കുമെന്ന്
ഞാൻ കരുതുന്നു.
അങ്ങനെ നിങ്ങൾ വിശ്വസിക്കുന്നെങ്കിൽ
നിങ്ങളൊരു കവിയേയല്ല, കവി ആയിരുന്നിട്ടുമില്ല.
എന്താണ് നിങ്ങളൊരു കവിയാണെന്ന് സ്വയം കരുതാൻ കാരണം?
എനിക്കതൊന്നും അറിയില്ല.
അല്ല, ഇതൊക്കെ ചോദിക്കാൻ നിങ്ങൾ ആരാ?
അങ്ങനെ നിങ്ങൾ വിശ്വസിക്കുന്നെങ്കിൽ
നിങ്ങളൊരു കവിയേയല്ല, കവി ആയിരുന്നിട്ടുമില്ല.
എന്താണ് നിങ്ങളൊരു കവിയാണെന്ന് സ്വയം കരുതാൻ കാരണം?
എനിക്കതൊന്നും അറിയില്ല.
അല്ല, ഇതൊക്കെ ചോദിക്കാൻ നിങ്ങൾ ആരാ?
