ഒരു സ്ത്രീ നഗ്നയായിരിക്കുന്നു;
തലോടൽ മോഹിച്ചിരിക്കുന്നതല്ല.
പകൽവെട്ടത്തിൽ അൽപ്പനേരം
അവളുടെ തൊലിയുടെ നേർത്ത ഗന്ധം.
സുരതസുഖമറിഞ്ഞിട്ടില്ലാത്തവളുടെ
ഇളം പൂവിതളുകളുടെ
ലോലമായ ചുളിവുകൾ.
മൂപ്പെത്തിയതിലെ ചതവുപോലെ
അവളുടെ ഉടലാകെ
നേർത്ത നീലിച്ച പാടുകൾ,
കടന്നുപോകുമ്പോൾ അവളെ
തൊട്ടവരുടെ വിരൽപ്പാടുകൾ,
പഴക്കടയ്ക്കു മുന്നിൽവെച്ച
പഴത്തിന്മേലുള്ള പാടുപോലെ.
ഒരു സ്ത്രീ നഗ്നയായിരിക്കുന്നു;
അൽപ്പനേരത്തേക്കു മാത്രം,
വേനൽവസ്ത്രം ഊരിമാറ്റി
ശരത്കാല വസ്ത്രമുടുക്കാൻ
വേണ്ടി മാത്രം.
"To a Certain Unmarried Woman' by Mitsuharu Kaneko from Anthology of Modern Japanese Poetry
