മഞ്ഞിൽ
മറ്റേതൊരു വസ്തുവും
പോലെയാകണം കസേരയും—
വെണ്മയിൽ പൊതിഞ്ഞ്, ഉരുണ്ട്.
എന്നാലോ മഞ്ഞിൽ കസേരക്കെന്നും ദുഃഖം
കട്ടിലിനേക്കാൾ
തൊപ്പിയേക്കാൾ വീടിനേക്കാൾ,
കസേരയുടെ രൂപം ഇണങ്ങുക
ഒരൊറ്റ കാര്യത്തിനു മാത്രം
ഒരു ഉയിരിനെ
അൽപ്പനേരത്തേക്ക്
താങ്ങിനിർത്തുവാൻ
ചിലപ്പോൾ ഒരു രാജാവിനെ.
എന്തായാലും മഞ്ഞിനെയല്ല
പൂക്കളെയുമല്ല.
'A Chair in Snow' by Jane Hirshfield from Poetry Magazine (April 2013)
