ഏതൊരു ചലനവും
എന്തിനെയെങ്കിലും
ഇല്ലാതെയാക്കുന്നു.
അത് ഇല്ലാതെയാക്കുന്നു:
ഉപേക്ഷിക്കപ്പെട്ടൊരിടത്തെ,
ഒരു ചേഷ്ടയെ,
തിരികെകിട്ടാത്തൊരു സ്ഥാനത്തെ,
നാമറിയാത്ത ചില ജീവികളെ,
ഒരു ആംഗ്യത്തെ, ഒരു നോട്ടത്തെ,
തിരികെയെത്തിയ പ്രേമത്തെ,
ഒരു സാന്നിധ്യത്തെ അല്ലെങ്കിൽ അസാന്നിധ്യത്തെ,
മറ്റാരുടെയോ ആയ ജീവിതത്തെ, അല്ലെങ്കിൽ
മറ്റുള്ളവരുടേത് ഒഴിച്ച് സ്വന്തം ജീവിതത്തെ.
ഇവിടെയാകുക എന്നാൽ
ചലിക്കുക എന്നാകുന്നു,
ഇവിടെയാകുക എന്നാൽ
ഇല്ലാതെയാക്കുകയെന്നും.
എന്തിനേറെ
മരിച്ചവ പോലും ചലിക്കുന്നു,
മരിച്ചവ പോലും എന്തിനെയെങ്കിലും
ഇല്ലാതെയാക്കുന്നു.
അന്തരീക്ഷത്തിൽ കുറ്റകൃത്യത്തിന്റെ മണം.
അങ്ങകലെ നിന്നാണ് മണം വരുന്നത്,
എന്തിനേറെ മണം പോലും ചലിക്കുന്നു.
From 'Vertical Poetry' by Roberto Juarroz
