രാവിലെ നിൻ്റെ ജനാലയ്ക്കു നേരെ
ചിറകടിക്കുന്ന പക്ഷിയാണ് ഞാൻ,
നീയൊരിക്കലും അറിയാത്ത
നിൻ്റെ ഉറ്റമിത്രം, അന്ധനുവേണ്ടി
പ്രകാശിക്കുന്ന പൂങ്കുല.
കാടിൻ്റെ ഉച്ചിയിൽ വിളറിവെളുത്ത
കോടമഞ്ഞിൻ്റെ തിളക്കമാണ് ഞാൻ,
പള്ളിമേടയിൽ നിന്നുള്ള ഒച്ചയും ഞാൻ.
നടുച്ചയ്ക്ക് പൊടുന്നനെ നിന്നിലെത്തി
വിശിഷ്‌ടമായൊരാനന്ദം പകരുന്ന ചിന്ത.
കാലങ്ങളായി നീ സ്നേഹിച്ചയാളാണ് ഞാൻ.
എന്നുമെപ്പോഴും കൂടെ നടന്ന്
നിന്നെയുറ്റുനോക്കി നിൻ്റെ ഹൃദയത്തോട്
ഞാനെൻ്റെ ചുണ്ടുചേർക്കുന്നു,
നീയതറിയുന്നില്ലയെങ്കിലും.
ഞാൻ നിൻ്റെ മൂന്നാം കൈ,
രണ്ടാം നിഴൽ — നീയൊരിക്കലും
സമ്മതിക്കാത്ത, നിന്നെയൊരിക്കലും
മറക്കാനാകാത്ത, വെളുത്തനിഴൽ.
Guardian Angel by Rolf Jacobsen from The Winged Energy of Delight
