ഏതെങ്കിലുമൊരു തെരുവിൽ
നമ്മൾ പരസ്പരം കടന്നുപോകും.
ചുളിവുകൾ വീണ മുഖവുമായി നീ,
നരപടർന്ന മുടിയുമായി ഞാൻ.
എന്താ പെട്ടെന്നു നിന്നുപോയതെന്ന്
നമ്മളോട് ആരും ചോദിക്കില്ല.
ആളുകൾ നമ്മളെ കടന്നുപോകും
അല്ലെങ്കിൽ ആർക്കെങ്കിലും വേണ്ടി
അവർ കാത്തുനിൽക്കും.
ആ അവിചാരിത കണ്ടുമുട്ടലിൽ
ഒരുവേള നമ്മളൊന്ന് അമ്പരക്കും
എന്നാൽ എന്താണോ തങ്ങൾക്ക്
ചെയ്യാനുള്ളത് അത്
നമ്മുടെ കാലുകൾ ചെയ്തിരിക്കും,
സമയത്തെ പോലെ നിന്നെയത്
ഒരു ദിശയിലേത്ത് നടത്തും
മറുദിശയിലേക്ക് എന്നെയും.
ചുളിവുകൾ വീണ മുഖവുമായി നീ,
നരപടർന്ന മുടിയുമായി ഞാൻ.
‘Sometime’ by Fikrat Goja
